E to’atolu tagatānuu Saina o lea na taofia i le malaevaalele i Aukilani e leoleo e masalomia i faiga taufaavalea.
O le tamā 50 tausaga faapea tinā e to’alua, 59 ma le 53 tausaga le matutua, lea na saisai mai a o sauni e pu’e le vaa e toe faimalaga ese atu ai i Saina i le Aso Lua.
O i latou nei ua fai mai leoleo sa faia le blessing scam a o iai i totonu o Niu Sila, ma e le’i atoa se masina talu ona iai i totonu o le atunuu.
O le blessing scan lenei na taula’i i tagata fai mai i totonu o Niu Sila poo tagata matutua foi ma tele ina gau ai tupe a i latou nei ma o lea na saisai mai e leoleo ma se tinoitupe tele.
I ata na toe faailoa mai e leoleo o loo iloa ai e lē tasi se ituaiga tupe sa ia i latou nei, ma e iai nisi o tagata Niu Sila na gau ai le oo atu i le $15,000.
E na o le to’alua tagata na gau i scam nei ua maua e leoleo, ma o loo valaau i nisi tagata e faafesoota’i atu le ofisa.
E tuufaatasia tala o le taeao o loo taofia pea i lalo o vaavaaiga a leoleo tagata Saina nei e to’atolu, e faatali ai le aso e tutula’i ai i luma o le Faamasinoga Faaitumalo i Aukilani.
Puna o Faamatalaga: Police arrest trio at Auckland Airport over ‘blessing scam’
