Ua faaauau pea ona faatulaga ane e le kamupani vaalele a le Jetstar nisi o ana pasese pau mo I latou e faimalaga I le va o Niu Sila ma Ausetalia lea e taua I nisi o lipoti e pei e foliga ua faatuai laititi auaunaga ina ua maea le taimi pisi I le faatoa tatala ai o faigamalaga e aunoa ma se faanofoesea.
O loo iai pea pasese a le Qantas ua faatulaga mo vaega e ono e agai iai faigamalaga I le trans tasman, e nao le 139 tala niusila one way. Talu mai le tatalaina o le travel bubble lea I le masina talu ai o le tele o malaga e omai mai Ausetalia ae o le toatele o pasese o tagata Kiwi ua toe foi mai I fanua e toe mafuta ma aiga ma uo.
O pasese pau la a le Jetstar e amata faatau I le 11.59 poo le toe tasi le minute I le 12 I le vaeluaga o le po o le aso Tofi nei mae faatauina pea seia oo ina maea. O le faamatalaga mai le pule o le Flight Centre NZ Victoria Courtney ua faailoa ai ua amata ona matauina nisi o pasese ua tuuina I faigamalaga I vaega uma o Ausetalia.
