O le po o le Aso Toonai lea na maliu ai se tasi o alii i Onehunga i Aukilani, ae oo mai ananafi maua e leoleo ma ua molia ai le alii na saisai mai Glen Eden.
O le mataupu lenei e oo mai lava i le taeao ananafi o iai pea leoleo ma a latou fale’ie a o faasolo ai su’esu’ega i Selwyn St i Onehunga.
O lē ua maliu e faapea o manu’aga mai pulufana lea ua uma ai lona soifua, ma e ui lava foi i taumafaiga i lea po e lei mafai ona faasaoina mai.
Ae i su’esu’ega na amata mai le po o le Aso Toonai, o le aso ananafi lea na saisai mai ai e leoleo le tamā mai Aukilani i Sisifo, 32 tausaga le matua o lona soifua ma o le asō e tula’i ai i luma o le faamasinoga.
Ae i lipoti mai leoleo, o loo faamaonia ai manu’aga mai pulufana ma e lē o sailia foi e leoleo se isi ese e tusa ma le mea ua tupu.
Puna o Faamatalaga: Man arrested in Glen Eden over fatal shooting in Onehunga – NZ Herald
