Ua faamautinoa mai e le minisita o lea ua faaitiitia le taimi o loo faatali ai talosaga o tusifolau Niu Sila.
O le amataga o le tausaga lea na tele ina faatalitali ai le toatele i le oo atu i le 10 vaiaso le umi ma na faatoese ai le Internal Affairs ma tuua’ia o lana system fou lea na maua ai.
Peitai na saunoa le minisita ia Brooke van Velden ananafi o lea ua silia ma le 57% ua faaitiitia ai le umi, ma o le fuainumera foi o talosaga o lea ua pa’ū i le 31,000 mai le 53,847 na iai i le amataga o Me.
O masina faato’ā uma atu o lea e silia ma le 50,000 tusifolau na mafai ona lomia, ma o le 83% o talosaga o lea na mafai ona tali i totonu o le 6 vaiaso.
I le lipoti ua tuuina mai o lea ua pa’ū mai le 10 vaiaso i le 5 vaiaso e faatalitali ai, faaopoopo iai ma le taimi e sau ai i le meli, ma e iai lava talosaga e vave maua e lei atoa le 5 vaiaso.
Puna o Faamatalaga: Software upgrade helping reduce passport wait times (1news.co.nz)
