Ua faalauiloa nei se tasi o galuega a tina fai faatoaga e toa 12 e ala i se Kalena lea e faailoa ai a latou faatoaga eseese poo organic farming.
O lenei Kalena ua faaigoaina o le “Growing with Mother Nature” ma o loo taimua ai le tamaitai o Faalualuo Floris Niu, o se tasi ua loa lana tautua i tulaga o faatoaga i Samoa ma o loo iai sana atinae fesoasoani faaigoaina o le Ms Sunshine Charitable trust.
O le faamoemoe o lenei Kalena ina ia faailoa le taua o galuega fai faatoaga a tina ma tamaitai i totonu o Samoa aua o le tele o galuega faapea e taimua lava alii ma tama peitai e mafai foi e tina ona faatino atiane fai faatoaga.
O ia atinae e aofia ai faatoaga koko , o fualaauaina ma fualaau faisua ma ua leva ona glaulue ai nei tina i ia faatoaga ma o se tasi lea o alagatupe tele o latou aiga.
Taua e Fa’alualuo o lona naunautaiga ina ia faalauaitele le taua o atinae a tina tulaga i faatoaga ma mafai ona fesoasoani le Kalena ua maea ona tapena i ni seleni e faaleleia ai le auaunaga a nei tina Samoa.
O se tasi o vaega o loo tagatagai ai Fa’alualuo o le tupe maua mai i lenei kalena o le a faasoa lea i tina e to’a 12, pe fausia ai foi ni fale mautu i a latou faatoaga e mafai ona faaoga e tina nei i vaitaimi o le fesuiaiga o le tau aemasie lava ina ia faafaigofie mai le soona malaga mamao o tina i a latou faatoaga.
O le faamoemoe ina ia unaia le auai o tina i atinae tau faatoaga i totonu o Samoa.
