Ua faatino nei suesuega a leoleo i le faalavelave tau taavale ua uma ai le ola o si tamaitiiti e na o le tolu tausaga le matua i Brisbane.
Lipotia e le 9News o le afiafi ananafi na tupu ai le faalavelave, o se taavale o le ituaiga o le Mitsubishi ASX na agai ane i Lowmead Rd i le taulaga o Rosedale i le itu i Matu o Brisbane poo le ‘afa o le 7 i le afiafi ma ua lipotia e foliga na tifa ese le taavale ma le alatele ma lavea ai.
E ui i galuega lavea’i a le aufesoasoani ma le fesoasoani faavavave peitai na uma ai lava le ola o si tamaitiiti lea o le pasese a le taavale, i lea nofoaga.
O le avetaavale o se tamaitai e 38 tausaga le matua na aveina atu i le falema’i i Bundaberg e feololo ona manu’aga.
O le isi pasese a le taavale e 8 masina fai mai e lei aafia.
O loo faaauau le suesuega.
Puna o Faamatalaga: https://www.9news.com.au/national/threeyearold-killed-in-queensland-car-crash/a084e32d-8779-4c97-bb1a-5867e7dbbd38
