Ua feagai nei le alii taalo o Latrell Mitchell ma ni sā mai le NRL faapea foi ma le South Sydney Rabbitohs ona o le mataupu e faatatau i le pauta lanu pa’epa’e ua agiga ai le mau faamatalaga i lipoti i upega tafailagi ina ua iloa ai se ata o Mitchell o loo punou aga’i i luga o se laulau o loo iloa atu ai ma se substance lanu pa’epa’e a o iai le alii taalo i sana malaga i Dubbo talu ai nei.
Ua ia taliaina se faasalaga ma nisi o sā mai le NRL ma lana kalapu ma ua ia ta’ua i le lipoti a le 7News o le a faaalu lona taimi e auai ai i se polokalame mo le tausiga lelei o le tagata, le wellbeing program.
E tasi le taaloga o le a lē taalo ai ma le sala tupe e $20,000 aemaise o le manaomia ona auai i se polokalame e fesoasoani mo ia ma ia faia sessions tau a’oa’oga o le a faatulaga ane e le NRL.O le faasalaga mai lana kalapu le Rabbitohs e $100 afe.
Puna o Faamatalaga: https://7news.com.au/sport/rugby-league/latrell-mitchell-cops-huge-sanctions-from-nrl-and-south-sydney-rabbitohs-after-white-powder-saga-c-15870539
