O le a tulai i le faamasinoga i le asō se alii ua molia i le fasioti tagata i le mae’a o le faalavelave i le aso ananafi na maliu ai se tamaitai i Western Sydney.
Poo le te’a o le 1 i le aoauli ananafi na tupu ai lenei faalavelave i se fale i Great Western Highway i Kingswood ina ua maua lipoti o se tagata ua faaoolima iai se tasi.
Na maua atu ai e leoleo se tamaitai 21 tausaga sa iai manu’aga i lona fatafata ma maliu ai lava i lea nofoaga.
O le te’a laititi o le 7 i le afiafi ananafi na pu’e ai e leoleo lē ua molia, 21 foi tausaga mai Penrith.
O loo teena le tatala i tua a o tālia ai le tulai i le faamasinoga i le asō.
O lipoti aupito lata mai ua feta’ua’ina ai o se tamaitai mai Fiti lea ua maliu.
Puna o Faamatalaga: https://www.9news.com.au/national/man-charged-fatal-kingswood-alleged-stabbing-sydney/a090d4a8-6786-4df1-b387-15371dee9a6c
