Ua pepesi mai I tua I tagata o le komiuniti le Omicron, ma o lea ua toe moli lanu mumu ai Niu Sila atoa mai le aso

Faasilasilaga mai le palemia Jacinda Ardern ananafi na faamautinoa mai ai e toaiva tagata Nelson ua maua I le Omicron, ma e leai se fesootaiga o nei tagata ma cases maua I tuaoi

O nofoaga foi na asia e cases nei mai Nelson ua sau ai ma tala ua maualuga le tulaga lamatia o le maua o tagata o le komiuniti I le vairusi fou ae e le o maua

O cases toaiva e omai uma le aiga e tasi ma o lea na faimalaga mai I Aukilani I le aso 13 o Ianuari I le faaipoipoga na auai ai le silia ma le toaselau tagata, ma o cases nei ua iai masalosaloga ua I tua I le komiuniti a Aukilani le Omicron faapea ai ma Nelson

O le toe tasi le minute I le 12 I le vaveao analeila na toe moli mumu ai Niu Sila atoa, ma o le moli lea e tele atu ai le saolotoga o tagata fai tui faatusa ia I latou e le I faia, pei ona mafai ai ona faatasia I fale o aiga ma isi nofoaga tagata ua uma tui e oo atu I le toaselau ae mo tagata leai ni tui e na o le 25 le fuainumera e faatagaina

Leai se suiga I pisinisi ma faleoloa ma ua toe faamanatu mai ai e aua le popole ae faia pea faatauga e pei ona masani ai

E matua faamalosia le faaaoga o le ufi fofoga I le tele o nofoaga e auai atu ai

Talanoa ai la I masks, o loo toe iloilo nei e le soifua maloloina le ituaiga mask e fetaui ma le Omicron ma o se aso o lenei vaiaso e toe fofoga mai ai