Ao toe oo ai Aukilani I le lockdown vaega o lapataiga vaega 3, ua fautuaina malosi e nonofo I le fale
O le saunoaga lea mai le tamaitai palemia, Jacinda Ardern ananafi le uluai aso ua toe lockdown ai Aukilani, ao isi uma vaega o Niu Sila I le vaega lapataiga 2
O le toe oo o Aukilani I le lapataiga vaega 3 na sau ai I le po o le Aso Toonai I le maea faamaonia o isi komiuniti cases e lua, ae oo mai ananafi faaopoopo le isi toatasi
O nei cases uma e tusa ma suesuega a le genome sequencing e fesootai uma I uluai cases na amata aliae mai I Papatoetoe I saute o Aukilani
O cases e lua na faamaonia I le Aso Toonai o se tasi o tei 21 tausaga o se isi foi tamaititi aoga I le aoga maualuga I Papatoetoe, ma e faapea o lea tamaititi aoga ua faatolu ona sau faaiuga o ona siaki e negative uma ma e le o iai ni auga o le fulu.
O le tei 21 tausaga o lea tamaititi aoga e aoga I le Manukau Institute of Technology, ma e faigaluega part time mo le Kerry Logistics (Oceania) Limited I le malaevaalele, ma e faamaonia lona siaki e le o faanofoesea
O lea foi ua faamaonia ma le tina o lea aiga
Peitai o le case ananafi o le lona lima lea o le aiga toa6 e faamaonia o faanofoesea na muai faamaonia I le aso 23 o Fepuari
Ua faaali ai ma le le fiafia o le pulenuu o Aukilani, Phil Goff ona o se tasi o komiuniti cases na faailoa mai I le Aso Toonai e le I faanofoesea I le taimi na amata faalogoina ai auga o le vairusi
Ma ua faatalosaga ai Goff ua tatau ona iai se faatatau faasaga ia I latou e le o usitaia taiala mai le soifua maloloina
E fitu aso ua toe tuu ai Aukilani I le lapataiga vaega tolu, ao isi vaega o Niu Sila I le vaega 2
