Ua uma ona aumai ofo o avanoa faigaluega mo tausi soifua ua faau’u i le vaiaso talu ai, peitai o lea ua toe faalēaogāina.
O tausi soifua ua faau’u mai ma a latou tikeri o Bachelor of Nursing mai le Wintec i Hamilton lea e faapea na mauaina imeli mai le Health NZ o loo sau ai ofo mo galuega full time, peitai pe ā ma le na o le lima minute ae toe recall pe faalēaogāina le imeli.
Na sulu ai tausi soifua faau’u i le polokalame e ta’ua o le Nurse Entry to Practice, ma e tasi le vaiaso mulimuli ane ae sau le faamalamalamaga, e sese le imeli na sau.
I se lipoti a le Herald o loo ta’ua ai pe tusa ma le 88 le aufaau’u e talitonu o lea na mauaina le imeli.
Ae i nisi o molimau a le sui o le aufaau’u, o le toatele o i latou ua lē mautonu nei i le sailiga o ni galuega ona o lea lava na o latou maua le tala i le masina faato’ā uma atu e saili lava e le tagata lana galuega.
Ae i le imeli na sese ai le toatele, o lea ua toe faatoese le faatonu o le soifua maloloina i Waikato, Chris Lowry ona o le imeli na sau i tua ma e iai lona talitonuga o lea lava sa na o tagata faau’u i Waikato na alu iai.
Puna o Faamatalaga: Health New Zealand Te Whatu Ora apologises after nursing graduates have job offers retracted – NZ Herald
