O le pepe na maliu i le fale o le aiga i Ranui i Aukilani i le taeao o le Aso Lua o le vaiaso nei, ua toalua iai tamaiti ua maliliu mai le aiga e tasi i totonu o le lua tausaga.
A o suesue ai pea le maliu faafuasei o le pepe, o lea ua toe agiga i luga o upega tafailagi poo le social media le tele o lipoti e faatatau i lenei aiga, ma o le aoauli ananafi na faamaonia mai ai e leoleo o le toalua ai lea o tamaiti ma e lē o iai foi se isi ua molia.
Ua lipotia o lea aiga e lē fou i le lisi o aiga o loo mata’itu e le Oranga Tamariki, ma o le pepe muamua na uma lona ola ia Aperila o le 2022 e na o le 4 ona masina.
A o galulue ai pea nei leoleo ma le Oranga Tamariki aemaise, o le tālia ai o suesuega i le tino maliu o le pepe lona lua, o le molimau a le tamā o tamaiti ua maliliu i tala a le Stuff, Michael Roggeveen, e lē faigofie.
Puna o Faamatalaga: http://Father of deceased Rānui baby ‘struggling’ to come to terms with death of second child in two years | Stuff
