E na o le 2 tausaga o se tamaitiiti o loo tigaina nei i le falema’i ona o se faalavelave tau taavale i le Blue Mountains i le po anapo fai mai e tolu taavale na aafia ai.
Na valaau ane le fesoasoani muamua i le Great Western Highway i Blackheath poo le ta o le 7 i le afiafi, e talitonuina o se semi trailer ma se taavale o le Subaru na feto’ai ma soso’a atu ai e le loli ma le isi taavale o le Toyota Corolla na lalata ane.
Ua lipotia e le Alaata 9 o avetaavale o le Subaru ma le Toyota na omia i totonu o taavale ma lavea’i mulimuli ane e leoleo, ma na togafitia foi le avetaavale o le Subaru, 27 tausaga ma ave atu i le falema’i, o le pasese o le taavale lea o si tamaitiiti 2 tausaga na togafitia i manu’aga i lona ulu ma ave atu ai i le falema’i e tigaina.
O lea faato’ā toe tatala i le taeao analeila le auala na tupu ai le faalavelave ma o loo faaauau su’esu’ega.
Puna o Faamatalaga: https://www.9news.com.au/national/three-vehicle-crash-blackheath-nsw-two-year-old-boy-critical/4e5400e7-6014-4eaf-b546-3365032dc2e0
