Expressions of Interest poo le faailoa o le initalesi ile ituaiga visa o tagata malaga mai ile atunuu e iai tomai, le skilled migrant visa, ua taofia talu mai le masina o Aperila 2020, le ituaiga visa lea e mafai ai e I latou e tai 55 tausaga ma lalo mai e filifilia I lenei faiga, ona nonofo ma o latou aiga I Niu Sila mo se umi e le faatapulaaina,
Ua lipotia I le televise a niusila I le aso o le laina o le au talosaga I lea visa ua oo atu ile 12 afe mo I latou ua iai nei ile atunuu ae pe a male 1500 talosaga mai ia I latou o loo I fafo atu o Niu Sila.
Na faiaai se faamatalaga a le alii faasalalau O John Campbell e faapea o lea faiga o loo ise tulaga le lelei ma fetauaina ai se faiga o loo galulue ai le National e faaleleia ai lea tulaga.
O se finagalo ua teena e le minisita o Femalagaaiga, Kris Faafoi e pei ona ia faailoa ai I lea lava lipoti o le mataupu lea o loo taofia le tumau mo le taimi nei ona o nisi o mafuaaga e aofia ai le maualuga o le aofai o tagata talosaga ile taimi nei atoa ai ma nisi o auaunaga o loo feagai foi ma le aufaigaluega a le Femalagaaiga.
Fai mai le minisita ua pisi le ofisa I le taimi nei ae o le a faia lava nisi o faaiuga I se taimi e le o toe mamao pe faapefea ona faatautaia le queue umi lea o tagata talosaga ma ia tuuina se tali mautu mo I latou o loo talosaga.
O le saunoaga mai le sui o le Migrant Workers Association, Anu Kaloti, ua taua ai o faamatalaga lava ia o loo tuu ane e le minisita ma ua faalogo faafia iai.
