Ua leai mai le malo i le talosaga a le KiwiRail.
E $1.47 piliona faaopoopo lea na toe aisi le pulega ia faaleleia ai vaa feoai i le sami a le InterIslander ma o le fuafuaga o loo iai ia suia ai vaa o loo feoai e faaaogā ai le tiso agai i vaa e faaaogā lua le tiso ma le eletise.
O auaunaga nei na malie mai ai le faigamalo faatoa uma atu na te totogia se vaega i lalo o tuutuuga, peitai mai le minisita o tupe Nicola Willis a o iai le manao o le malo ia faaleleia le Cook Strait connection, o lea toeititi faatoluina le tau o le poloketi talu mai le 2018 i le maualuga e $3 piliona.
O le tupe foi o loo faatalosagaina e na o le 21% e alu agai i le faatauga o vaa fou ma e lē o faigofie ona talia e le minisita le faaopoopoga ua toe talosaga mai ai.
Fai mai Willis e iai foi isi poloketi o loo vaavaai iai le malo, ma o lea o loo fetuunai tupe.
Mai le KiwiRail, e lē mafai ona faaauau le poloketi pe a leai se fesoasoani a le malo.
