O le aso ananafi lea na tatala aloa’ia ai le mall faatau fou i Aukilani e latalata i le malaevaalele.
E lata i le 100 faleoloa o loo i totonu o le mall fou lenei, ma o loo iai foi ma fale’aiga e 14.
E lipotia o totonu o le 4 vaiaso muamua talu ona tatala le Manawa Bay mall o lea o le a iai polokalame e faamanatu ai le tatalaina aloa’ia.
E silia ma le 20 faleoloa o le ulua’i taimi lea ua ofi mai ai i fefaataua’iga i Niu Sila ma o le to’atele o tagata na lolofi atu iai ananafi o le sailia lava o oloa o loo pa’ū o latou tau.
Na sau ai ma le fautuaga mai le pulega o le Manawa Bay mall i tagata faatau o le a asia i le faai’uga o lenei vaiaso, ia lava le taimi e tapena atu ai ma e ono iai foi suiga i auala ma kapaka ona o le to’atele o loo aga’i atu ma e moomia ai le lava o le onosa’i.
O se faamaoniga mai le malaevaalele a Aukilani, o le taumafaiga mai o lea mall na maua ai galuega a le tusa ma le 500 tagata, ma pe ā ma le 750 avanoa faigaluega lea o loo sau ma le Manawa Bay.
Puna o Faamatalaga: New mall opens near Auckland Airport, set to have nearly 100 stores (1news.co.nz)
