O le asō e tatala aloa’ia ai le fale fou telē a le City Mission i Ueligitone.
O lenei galuega tele e $50 miliona lona tau e 6 tausaga na fuafua ma fau ai, ma ua faaigoaina o le Whakamaru.
O le Kovana Sili ia Dame Cindy Kiro o ia lea o le a tatalaina i le asō, ma o se galuega tele na faatupe e tagata Ueligitone faatasi ai ma le fesoasoani a le malo faapea le puleganuu a Ueligitone.
E 5 fogafale ma ua faia mo soo se tasi e moomia le fesoasoani, ma o loo iai le fale’aiga, supamaketi, falema’i, falesa, 35 apartments faapea ai ma le nofoaga e mafai ona mafuta ai.
O le asō o sauniga aloa’ia e faapaia ai faatasi ai ma feiloa’iga ma le aufaigaluega, ona tālia ai lea o le aso 18 o Novema e tatala ai faitoto’a o le Whakamaru i tagata lautele.
Puna o Faamatalaga: New Wellington City Mission opens: ‘To safeguard, protect and nurture’ | RNZ News
