O se tasi o auala tele i Ausetalia i Saute ua tapunia i le taimi nei a o faatino galuega a le vaega o fesoasoani faavavave i se faalavelave tuga na tupu ai i lea auala e aofia ai ni loli tetele se lua.
O le faamatalaga mai leoleo i lea faaitu ua faailoa mai e le ABC o le faalavelave na tupu i le lata i le 7 i le taeao analeila na feto’ai ai ni loli tetele se lua.
Fai mai leoleo e ono tapunia mo le aso atoa lea highway ma ua lapataia le aufaitaavale ia alofia lea faaitu ma faapaka taavale i le faaitu o Yalata poo nisi nofoaga lalata ane a o taumafai le suesuega i lea faalavelave.
E lē o ta’ua i le lipoti pe iai se tasi o le auaveloli o loo aafia.
