E le o suia le faaiuga a Waiheke e ala lea I le faasa o tagata asiasi e agai atu I lona motu
O le faaiuga lea a le local board a Waiheke ananafi e faatumauina pea le sa mo I latou o loo fia agai atu mo asiasiga ma tafaoga
Ua sau ai ma tala e faatoa toe tatala pe a amata faaaoga le traffic light framework fou lea o loo tapena, ma afai foi ae toe tatala ane e talia na o tagata ua uma tui e lua o le Koviti, poo le faailoa foi o faaiuga e negative siaki o le Koviti na faia I totonu o le tolu aso ae e le I faimalaga atu
O lona uiga e le o mafai lava e tagata Aukilani ona faimalaga atu I Waiheke
Peitai o le fonotaga anapo na talanoaina ai le talosaga a tagata faipisinisi o Waiheke e tatala ia ona faitotoa I tagata asiasi atu ona ua aafia pisinisi
O loo taua ai foi I le tusi na tuuina atu I le local board, o Waiheke e faamoemoe I tagata asiasi
E ui la e le o suia le faaiuga, o loo talitonu le faatonu o le laulau a fono e tusa ma tala a le Stuff, ua fesoasoani le tapu o tagata asiasi atu I Waiheke I le unaia o tagata e faia tui lea e oo mai ananafi ua 90% tagata Waiheke ua uma tui e lua o le Koviti
