O teineiti talavou Ausetalia e to’alua mai Melepone lea o loo i ni tulaga tigaina i Bangkok ua faailoa i nisi lipoti lata mai o loo faaaogā pea le masini a le falema’i e fesoasoani iai ae e foliga e lei oese mai lo la potu sa iai mo le 24 itula talu ona inumia se vailaau o loo masalomia ua ‘onanā ai a o iai i Laos.
O Bianca Jones ma Holly Bowles sa nonofo i le Nana Backpacker Hostel i le vaiaso talu ai ma e le’i aga’i ane e check out i le taimi sa fuafuaina ma mulimuli ai iloa o loo aafia i ni vai sa taumafaina lea foi na maliliu ai isi tagata e to’alua ma le to’atele na taofia ai foi i le falema’i e masalomia ua ‘onanā uma e masalomia ai le methanol.
O faamatalaga mai le mataupu lea ua ta’ua ai o i laua ia e to’alua isi valaaulia na auai i le tofoina o shots o le Lao Vodka sa ofo ane e le nofoaga na aumau ai.
O le taulaga na malaga iai e igoa o Vang Vieng e iloa tele mo tafaoga ma faiga patī peitai la ua tuuina i le upega tafa’ilagi a le smart traveller e ao i tagata ona faaeteete ona ua iai nisi ua aafia ai mai drinks poo vai taumafa o loo ofoina ai.
O loo ofoina e le matagaluega o le va i fafo a Ausetalia le fesoasoani i aiga o nai teineiti e to’alua o loo iai pea i Thailand e talitali ai togafitiga o loo taumafai pea mo i laua.
E ta’i 19 tausaga lo la matutua.
Puna o Faamatalaga: https://www.9news.com.au/national/laos-methanol-poisoning-teens-fighting-for-life-family-in-thailand-vigils-held/cbf7d74f-6dca-4ac7-b5ad-a0eff8d6654b
