Ua vāvāō le tele o sui o le Palemene a o sui o le vaega faaupufai o le Te Pāti Māori i le lē amana’ia o so latou leo, e le Komiti e Iloiloina Tu ma Aga a faipule i totonu o le Palemene.
Manatu le vaega faaupufai e faaitu’au ma e lē tonu gaioiga ma le faatautaiga e le komiti o lo latou pitolaau.
Faaalia e sui o le Te Pāti Māori o loo molia e le komiti i le lē amio taualoa, e lē sa’o le komiti, ona e le’i mafai ona fai faatasi a latou iloiloga e pei ona faatalosagaina, o le tapu ma le lē mafai ona tuuina atu i le komiti o ni manatu tusitusia o a latou loia ma sui lagolago, aemaise o le lē savalia o auala e faailoa ai i nisi o a latou sui aso mo taimi talafeagai e faatautaia ai iloiloga.
Ma o le ala lea ua teena ai e i latou o loo molia nei i uiga lē taualoa i le Palemene gaioiga uma ma le aso e faia ai a latou iloiloga.
Mo le silafia o lenei mataupu na alia’e mai i le faalavelaveina e sui e to’atolu o le Te Pāti Māori o taualumaga o le ulua’i faitauga o le tulafono taufaaofi o le Principal Treaty, e pei ona o latou faatino ai se haka i totonu o le Maota Fono.
Faailo o le iloiloga ua amata faatino nei o le su’esu’eina pe faamaonia o gaioiga faaalia ma faatino e sui Faipule nei, e taualoa ma tau tamalii.
Ae i le faagasologa o lenei vaega tāua o le Palemene, e lē talia e faipule o le Te Pāti Māori vaega uma o le faatino ai o iloiloga a le komiti iloilo, e pei ona lē auai ai se tasi o nei sui i le taimi ma le aso na faatulaga e faatino ai iloiloga i se taimi ua sola.
Faamauina i lipoti, o le Aso Lulu o lenei vaiaso ua fuafua e toe faataunuu e faatautaia ai lea iloiloga peita’i ua tali sui o le vaega faaupufai Maori, e lē auai lava, ae o le a faatino so latou lava iloiloga i le aso 7 o Me.
Puna o Faamatalaga: https://www.rnz.co.nz/news/political/558834/te-pati-maori-face-public-hearing-over-haka-in-parliament
