Ua ioeina e se alii avetaavale sa molia I le ave taavale ona ona moliaga ina ua lavevea ai ma uma ai le ola o nai tamaiti e toafa I le itu I matu I sisifo o Sini I le masina o Fepuali o le tausaga nei.
E fa moliaga o Samuel Davidson lea o loo lipotia na faasuaava ao faafoeina le taavake four wheel drive na maliliu ai le fanau e toatolu o Antony 13 tausaga, Angelina 12 tausaga, Sienna Abdallah 9 tausaga ma le latou tausoga o Veronique Sakr 11 tausaga.
O loo lipotia na faamaonia ai ma le aafia o lea alii I le faaoagaina o le fualaau faasaina o le cocaine ma le MDMA ile taimi na tupu ai le faalavelave. E 30 tausaga o lea alii na tulai I le faamasinoga I Paramatta I le aso e tali I ona moliaga
E lei auai ai le aiga o nai tamaiti na maliliu I le faamasinoga I le aso ae na lipotia muamua ua faamagalo iai le aiga I le igoa lea ma ana amioga e ui ile ogaoga o mafatiaga o faalavelave faapenei, Ua faatulaga e toe tulai I le faamasinoga ile aso 20 o Novema.
