Ua talia e le sui Faipule o Gagaifomauga 3 o le ta’ita’ifono o le vaega faaupufai o le Faatuatua i le Atua Samoa ua Tasi le faai’uga a le tamaitai Palemia e faamuta lona toe avea ma Minisita o le Kapeneta.
O ni itula talu ona tuana’i le faalauiloaina o le faai’uga a le Palemia, na faailoa ai le finagalo o le susuga Laauli Leuatea Polataivao Fosi Schmidt i luga o fesoota’iga faaonapo nei le api o foliga i le Aso Faraile na te’a nei.
Le susuga Laauli Leuatea Polataivao Fosi Schmidt.
E iai le talitonuga o le afiafi o le Aso Gafua o lenei vaiaso e fono ai Faipule o le faafaletui o le vaega faaupufai o le Faatuatua i le Atua Samoa ua Tasi.
