O se lipoti lata mai o Suria ua ta’ua ai le maua o se tagata sitiseni o Amerika o fesavalia’i i magāala o Tamaseko poo Damascus ma o loo galulue nei le ofisa o le malo Amerika i le toe faafoi atu o lea tagata i le atunuu.

Fai mai faamatalaga o lea alii e 29 tausaga ma sa lipotia o loo tau sa’ilia mai Hungary i le amataga o le tausaga ae o lea ua vaaia i Damascus.

Ua faamaonia mai e le failautusi a Amerika o loo faia gaioiga mo le faafoi mai i le atunuu.

I totonu lava ia o Suria ua faailoa e le Palemia o loo iai nei a le atunuu, o le a alu ai faapea Suria mo le taimi nei i lalo o le latou vaavaaiga se’ia aulia Mati o le tausaga fou ae ua faailoa e le ta’ita’i o le vaega tetee poo le Rebels o le a o latou aveesea uma le vaega o le puipuiga sa iai i le faigamalo a Assad.

O loo faaauau pea foi ona mata’itū e Amerika gaioiga a Isaraelu i le buffer zone lea ua o latou nofoia e lata i Damascus.

Puna o Faamatalaga: https://edition.cnn.com/world/live-news/syria-israel-assad-war-russia-intl-hnk-12-12-24/index.html