O loo sa’ilia poo ai tonu ua manumālō i le toeitiiti 1.3 miliona o le faailoga o le Lotto mai le faai’uga o le vaiaso.
Fai mai o le tagata ua mālō na faatau lana pepa i le TattsLotto i Tasmania ma ua mālō ai i se tasi o faailoga o le se’i i le Aso Toonai lea e toeitiiti atoa le $1.3 miliona.
O le taulaga o Bicheno i Tasmania na faatau ai le pepa mālō ae le’i lesitala le tagata i le taaloga lona uiga e lē mafai ona iloa e le ofisa poo ai ua faamanuiaina.
Pau le itu e iloa ai o le faatali i le taimi e aga’i atu ai le tagata ma le pepa mālō ona tuuina lea iai o le faailoga.
Fai mai le sui o le taaloga e lē taumate o loo fai lava fuafuaga a le tagata ua mālō e aunoa ma sona iloaina o ia lea ua faamanuiaina i lea faailoga tele ma ua fautuaina tagata i Tasmania ia siaki pepa pe lē o latou ua faamanuiaina.
Puna o Faamatalaga: https://www.9news.com.au/national/hunt-for-mystery-lotto-winner-who-took-home-13-million-prize/f9249387-feba-45b0-ae88-28022c1d7fe1
