E faitau afe oysters ua gaoia mai ni nofoaga i Narooma i le itu i Saute i Sasae o Niu Sa Uelese ma o loo faagasolo ai nei se su’esu’ega.
Ta’ua i lipoti a le ABC e talitonu leoleo o tagata ua o latou gaoia ia oysters o loo iai le faamoemoe e toe faatauina atu i le lumana’i.
E talitonu foi leoleo o tagata na faatinoina lea gaioiga e iai sootaga i le industry poo le auaunaga lea e faafailele ai oysters.
Ta’ua e leoleo e ui e fai lava ma maua atu lipoti o oysters e gaoia mai le faaitu lea peitai e le’i oo lava i se tele e pei ona lipotia nei ma e foliga e lua pisinisi ia o loo aafia i le gaoiga lea.
Ua lipotia e le’i oo i le taimi e taumafaina ai oysters ua gaoia ma e lē taumate ua toe totōina mo le faatauina i le lumanai.
E 24 afe oysters mai le isi pisinisi ma le 72 afe tamai oysters ia gaoia mai le isi pisinisi.
Fai mai i latou e lava le silafia i le faafaileleina o ia figota, o le gaoia ai o ia oysters e lē o se galuega e faia i totonu o le lima minute o lona uiga ua leva ona fuafua lelei sea taumafaiga, ma o oysters ia ua gaoia e ui o loo laity, peitai a oo ina ausia le lapopo’a e masani ona faatau ai e fai si tele o tupe e maua ai o lona uiga o lea ua amata ona tilotilo iai le ‘augaoi o se tasi foi lea o tupe vave.
O loo faaauau pea le su’esu’ega.
Puna o Faamatalaga: https://www.abc.net.au/news/2024-11-13/police-investigate-oyster-theft-narooma-nsw/104576210
