Ua lipotia mai nei e le 9news le tuuina mai o se lapataiga faa-le-soifua maloloina mai le setete o NSW ina ua aliae ni faamatalaga, e faitau selau tinā e ono aofia i le Hepatitis B, o nisi sa i le falemai i Sini i totonu o le 11 tausaga talu ai.

Ta’ua i lipoti ua iloa nei o se tagata faigaluega i le falemai lea Nepean Hospital i le vaega o le fale failele , sa aafia i le gasegase lea hepatitis B i le va o le 2013-2024.

Ma ua lapatai mai ai sui o le Soifua Maloloina le 223 o tamaitai maitaga na fananau a latou pepe i le falemai lea ma e ono iai se avanoa e lamatia ai o latou soifua mai lea faamai.

Faailoa e le NSW Health na o latou galulue ma le tagata faigaluega lea ina ia tuuitiitia ai le saga sasao atu ai o faamai.

Ua fautuaina ai tagata ina ia faia se suega poo se test i aafiaga o le Hepatitis B. 

Puna o Faamatalaga: https://www.9news.com.au/national/more-than-200-mothers-warned-after-potential-disease-exposure-at-sydney-hospital/9af9b900-a212-4842-9b84-8017742d0a8e