Ua siitia le poloa’iga o faalavelave faafuase’i na faia mo Dunedin ona o timuga mamafa na lolovaia ai, ma e oo mai i le taimi nei e 11 fale ua lē mafai nei ona toe nofoia.
O timuga mamafa nei i totonu o le 40 itula ua faaleagaina ai le tele o fale ma meatotino ma o lea foi na lipotia le tele o eleele solo faapea ai ma tagata na aveesea faamalosi mai o latou fale.
E 44 le aofa’i o fale o lea ua mae’a asia ma faia iai su’esu’ega i Dunedin, ma mai lea aofa’i, e 11 ua pipii ai le sticker lanu mūmū, o lona uiga ua lē o toe saogalemu i se nofo.
E tele auala o lea lava e tapunia i Dunedin ma o le taeao nei foi lea faato’ā tatala ai le State Highway 77.
Na ta’ua mai foi e le puleganuu o loo galulue i auala vave e toe faaola ai le suavai ma o loo faatumauina pea le fautuaga o le faapuna muamua o le suavai taumafa.
Puna o Faamatalaga: Dunedin lifts state of emergency, 11 homes now red-stickered (1news.co.nz)
