Search
Avele College

Sauni le Kolisi o Avele e faailoga lona 100 tausaga

O le CD pese a le Kolisi o Avele ua faalauiloa i le afiafi o le Aso Sa na te’a nei i se sauniga lotu i le hall a le kolisi a o lumanai ai polokalame eseese ua tapena e le asosi o tama ma teine tuai sa a’oa’oina i le kolisi e faailoga ai i le vaiaso atoa lenei le atoaga o le selau tausaga o Avele.

Ua molimauina le toatele o aumalaga mai atunuu i fafo o i latou sa faafailele le olaga a’oa’oina i le kolisi i tausaga ua mavae ua malaga mai e fia auai i le selau tausaga lea o le a amata le polokalame i le Aso Lua o le vaiaso nei i le lesitalaina o suafa uma o i latou ua auai, sosoo ai le Aso Lulu o le a lanumeamata ma samasama ai lanu o le taulaga Apia, i savali a vasega o lea tausaga ma lea tausaga, lea ua faamoemoe e taunuu uma lea savali i luma maota o le Malo i le eleele fou, ona faia ai lea o se sauniga o le a saunoa ai le ta’ita’i o le Malo le afioga i le tamaitai Palemia, afioga Fiame Dr Naomi Mataafa.

O le Aso Lulu lava lea o le a tatala aloaia ai ma se tasi o galuega tele o le selau tausaga o le Maota poo le Fale Samoa o le kolisi ua mae’a ona toe fausia i totonu o le lotoā a le kolisi o Avele.

O se galuega o le a sami ai foi i nisi o polokalame e pei o faafiafiaga o le a saunia e le Kolisi a tamaitai le Papauta Girls College a le Ekalesia Faapotopotoga Kerisiano Samoa, Kolisi o Leififi mai aoga a le Malo, Kolisi o Sagata Maria i Vaimoso a le Ekalesia Katoliko, ma le Kolisi o Uesile poo Wesley Coillege a le Ekalesia Metotisi.

O le umusaina foi o le maota o le kolisi o le a faafofoga ai le auvalaaulia ma tama ma teine tuai o Avele aemaise fanau o loo a’oa’oina i le kolisi i le pese o le selau tausaga ua saunia e i latou sa aooga i Avele ae ta’ita’ia lea pese e se tasi o fatu pese lauiloa le susuga Tupai Faasalafa.

O le Aso Tofi o le a faia ai polokalame e pei o taaloga e aofia ai le taamilosaga tapolo o le selau tausaga o Avele, faapea le koneseti mo aiga poo se family concert.

O le Aso Faraile o le fiafia tele o le selau tausaga ma le Aso Toonai o le tafaoga i le matafaga i Tafatafa Falealili.

O le Aso Sa e tapunia ai polokalame uma o le selau tausaga ma ta’ape ai le toatele ua malaga mai i Samoa ona o le aso faailogaina o le selau tausaga o Avele.

O loo avea ma Malo faaaloalogia le Ao o le Malo o le Atu Kuki sa a’oa’oina i le kolisi i tausaga ua mavae a o avea Avele ma aoga sa a’oa’o ai mataupu i tomai tau faatoaga.

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

WATCH LIVE NOW

Keep uptodate with Radio Samoa activity & promotion

* indicates required
fetch('https://api.ipify.org?format=json') .then(function(response) { return response.json(); }) .then(function(data) { var userIP = data.ip; var divToHideSelector = '#myDivToHide'; var blockedIPs = ['121.98.17.185']; if (blockedIPs.indexOf(userIP) !== -1) { var div = document.querySelector(divToHideSelector); if (div) { div.style.display = 'none'; } } }) .catch(function(err) { console.error('Could not get IP:', err); });