Ua pu’e e leoleo se alii i le faalavelave na faaoolima ai se tasi i se avepasi i Aukilani.
O le One News ua lipotia ai i le asō na logoina leoleo i le mataupu lea i Avondale poo le kuata e te’a ai le 10 i le taeao o le Aso Toonai na te’a nei, fai mai na mafua i se pasese na aga’i atu i luga o le pasi ma mana’o e alu fua ai e lē totogia se pasese.
Fai mai le lipoti sa faaoolima le tagata lea i le avepasi ma sola ese.
Faailoa e le sui mai le Tramways Union na aafia oloa o si avepasi i le faalavelave lea ma ua faailoa e leoleo ua maua le alii lea, e 36 tausaga le matua ma o le aso 13 o Setema e tulai ai i le faamasinoga.
Fai mai le Iuni e tula’i mo avepasi e leai se tasi e tatau ona aga’i atu e faigaluega ae faamanu’alia ai ona o le faiga o lana galuega ma e matua’i lē faatagaina ia ituaiga sauāga i auala o feoa’iga lautele.
Puna o Faamatalaga: https://www.1news.co.nz/2024/09/09/man-arrested-after-auckland-bus-driver-bloodied-in-assault/
