O le fuafuaga a Ausetalia e faafaigaluega mai tagata Papua Niu Kini i lana vaega’au tau puipuiga ua afua ai nisi o popolega e pei ona faailoa e le Australian Defence Force e ui e manatu nisi e tele le tomai i lea matāupu, o se fuafuaga lelei tele lea faiga.
Na ta’ua e le leitio faavaomalo a Niu Sila o loo fuafua nei le fetuuna’iga o se maliega fou i le va o atunuu e 2 e auai ane ai tagatānuu o Papua i le vaega’au a Ausetalia.
O le finagalo o le Ofisa Sili o le Asosi tau le puipuiga a Ausetalia le Australian Defence Force, o Neil James e faavalevalea lea fuafuaga pe afai e leai se ālafua e maua ai e tagata Papua e aga’i atu i auaunaga nei ni sitiseni Ausetalia.
Fai mai James e lē tatau ona faatalitali le isi atunuu i tagata mai se isi atunuu e puipuia i latou ma e tatau ona fai lelei ni fetuuna’iga i ia ituaiga matāupu faapea.
E ui i lea ae ua ta’ua foi i le lipoti se finagalo a se sui mai le Iunivesite a Ausetalia i le vaega tau le puipuiga, Jennifer Parker e faapea, o se fuafuaga lelei tele lea auā e vavalalata le sootaga o Ausetalia ma Papua ae tuu lava foi le avanoa i le tagata pe fia auai.
O loo iai le fuafuaga a Ausetalia ia faaopoopo le numera o ana vaega’au ia ausia le 80 afe a o lei oo i le 2040.
Puna o Faamatalaga: https://www.rnz.co.nz/international/pacific-news/560425/experts-split-on-australia-s-papua-new-guinea-military-recruitment-plan
