Ua tuua’ia le vaega o le puipuiga a Pakistan i le una’ia ese o se tagata sa tatalo i luga o se container i le Aso Lua o le vaiaso nei i le laumua o Islamabad i le nofoaga o loo finau ai le aulagolago a le ta’ita’i sa iai o le atunuu Imran Khan ina ia tatala mai Khan mai le falepuipui.
Ua faailoa e le vaega faaupufai a Khan o le gaioiga e pei ona faatino i lea tagata o se tasi lea o faata’ita’iga o uiga malosi o leoleo ua faatino ane ia i latou ma ua faasā foi ona faia la latou tetee.
O le tagata sa tatalo i le pito i luga o se container oloa ua vaaia i se video le aga’i atu iai o se leoleo faaa’upegaina ma una’i ese sia tagata mai le container ma e lē o iloa i le taimi nei le tulaga o iai pe o soifua pea ona e faatusa le maualuga o le container i se fale fogafale tolu.
O loo faatalia se isi lipoti i le mataupu lea a le atunuu o Pakistan.
Puna o Faamatalaga: https://www.bbc.com/news/articles/cm2md1jvrnvo
