Ua taunuu i lona aiga i Fusi Safotulafai i Savaii le tinomaliu o se alii 30 ma ona tupu tausaga o se tasi sa galue faavaitaimi i Ausetalia, ae na maliu o ia a’o tofa.

O le sui sooupu mo tagata faigaluega faavaitaimi mai Samoa i totonu o Ausetalia, o loo auai i le fono a atunuu o le Pasefika o loo aofia i le polokalame o le Pacific Labour Mobility, na ia tau to’aluaina le molimoli mai i Samoa ma momoli foi i lona aiga lea tagata faigaluega faavaitaimi mo ona toe sauniga.

Faaalia e se molimau faatuatuaina e le o iloa tonu se gasegase ua mafua ai ona fano le soifua o lea tagata faigaluega faavaitaimi mai lo tatou atunuu.

Ua toalua ai tagata faigaluega mai Samoa sa galulue i Ausetalia i lea polokalame e le o ni faalavelave na tutupu ua maliliu ai.