O se alii mai Perth lea ua molia i le fasioti tagata pa’ivalea i se tamaititi 11 tausaga na uma lona ola ona o manu’aga e feta’ua’ina ai lē ua molia.
Fai mai lipoti a le 9News o le tamaititi lea sa manaomia le tausiga mo le 24 itula i aso taitasi talu ona manu’aga i lo latou fale ia Tesema 2010.
I le masina o Setema 2021 na faasolo lava ina faaletonu lona malosi ma taofia ai loa i le falemai i Perth ma tausia ai ae maliu ai lava i le aso 24 o le masina lea i le 2021.
O loo feta’ua’ina e leoleo e pei ona faailoa i le lipoti, o manu’aga o le tamaitiiti mai le 2010 e iai sootaga i le uma ai o lona ola i le 11 tausaga mulimuli ane.
O lē ua tuua’ia e 37 tausaga le matua ma e iloa e le tamaitiiti, na pu’eina ananafi e leoleo ma molia ai loa i le fasioti tagata pa’ivalea.
Puna o Faamatalaga: https://www.9news.com.au/national/manslaughter-charge-over-2021-death-of-11-year-old-boy/acd9ba7c-11d0-4ce4-91c8-96922d067d70
