Ua molia nei alii e to’atolu e feta’ua’ina na teu faapei o ni tagata kiligi ae o latou ulufale ai i se nofoaga ma taofia faapagota ai tagata sa iai ae faatino le gaoiga o lea fale.

Ua lipotia e le 9News o Kuiniselani na tupu ai lea faalavelave na ulufale ai le aualii ia i se fale i Karawatha ma le faamatalaga o latou e o ane mai se pisinisi kiligi, ona ulufale faamalosi ai lea i lea fale ma faamata’u tagata na iai, na gaoia mai ai tupe ma uati ma sosola ese i se van lanu pa’epa’e.

Ua maua e leoleo ata mai le CCTV o loo iloa atu ai le taimi na sosola ese ai i latou ia mai le fale na osofa’ia ma o loo fai uma o latou pulou santa.

Na faia su’esu’ega a leoleo ma osofa’ia ai ni nofoaga na maua atu iai le tupe na gaoia ma isi aitema ma ua pu’eina ai loa i latou ia, o le isi e 33 tausaga, 39 tausaga o le isi faato’ā tutula’i le to’alua lea i le faamasinoga i le aso 4 o Mati ae o le 28 tausaga na tula’i i le faamasinoga i le aso ananafi.

O le aso 3 o le masina nei na tupu ai le faalavelave ae o le vaiaso nei ua pu’eina ma molia ai.

Puna o Faamatalaga: https://www.9news.com.au/national/queensland-news-three-men-charged-over-armed-robbery-brisbane-alleged-fake-business/3abd4844-4c40-4a95-bd70-af6a767d1380