Ua mae’a faailoga le selau tausaga o le taaloga lakapi e kalapu taalo a afioaga o Apia ma Vaiala, ae o le kalapu taalo a le afioaga o Moataa ua faamautū nei o Iuni o le tausaga fou 2025 e faato’ā sami ma faailoga ai le 100 tausaga o le lakapi.
Ua faailoa i le upega tafailagi a le kalapu lakapi a Moataa le faamautū o lea fuafuaga i le fono a le kalapu na usuia i le maota o le EFKS a Moataa i le Aso Lua o le vaiaso nei.
Ua faailoa ai o le polokalame o le selau tausaga o le a faagasolo mo le valu aso e amata i le aso muamua o Iuni ae mae’a i le aso 8 o lea lava masina.
E manino i le fuafuaga le tuu tonu o le polokalame i le taimi o le Sisigafu’a poo le Tutoatasi.
Ua faailoa o le a logoina tamafanau uma a le afioaga i Samoa ma atunuu e mamao pe a faamautū le polokalame atoa o le faamoemoe.
