E tele aiga Northland ua leai se eletise a o tigaina ai i le malolosi tele o savili.

A o ui mai i Niu Sila ave o le afā o Lola lea na tigaina ai Vanuatu i le vaiaso talu ai, ua lipotia mai o le itu i sisifo o le Bay of Islands lea na tigaina anapo ma motusia ai le eletise mo le silia ma le tasi afe fale o aiga.

E faapea foi vaega i Matu o Aukilani, ma e lei mafai ona faamautinoa mai e le Vector pe fia sa’o le aofai o aiga na aafia.

O lea o loo tumau lapataiga o savili malolosi mai le ofisa o le vaaitau, mo Northland, Aukilani faapea Coromandel mo le lua aso.

Ae mai le Waka Kotahi, o loo fautuaina malosi foi avetaavale aemaise lava i taavale maualuluga e faaeteete ma mataalia i luga o le auala.