O le sailiga ua atoa nei le lua aso o faatino mo le sailia o Hoi Yu Chan, o se tama e toalua si ana fanau, ua faailoa se lipoti lata mai a leoleo ua maua nei lona tino maliu ile aoauli ananafi. O le sailiga na amata ina ua logoina leoleo ina ua le toe ea ae I luga mai le sami Chan mai le Hawkesbury River sa tafafao ai ma lona aiga, o si ana fanau e toalua ma isi foi alii e toalua ile afiafi o le aso Gafua.
Na aau ane mai le tamai vaa sa agai ane ai ile vaa tele sa o latou faaaogaina peitai e lei toe aliae ma amata ai loa sailiga ile nofoaga e lata I Wisemans Ferry. O le helicopter a leoleo na faaaoga aemaise foi le au maulu a leoleo peitai e lei manuia sailiga I le amataga o le vaiaso.
Na ofoina e le aiga le 3 miliona mo se tagata n ate mauaina Chan ma o loo faamatala o se alii e lelei lana aau ma leai foi ni ona faaletonu tau le soifua maloloina. E lei tagofia foi se avamalosi I le taimi o le latou taelega. Fai mai o loo sauni nei e leoleo se lipoti mo le coroner ae o se tala faanoanoa tele mo si ona aiga.
