Ua maua se tasi alii ua feta’ua’ina lona taumafai e aumai se vaegatupe tele e $830 afe i se faigamalaga mai le Gold Coast mo Mildura.
E 34 tausaga le matua ma ua lipotia i le 7News sa agai ane ma lana atopa’u tupe lea ma siakiina i le malaevaalele i le Gold Coast, ma maua ai e taifau a leoleo ma ua feta’ua’ina e leoleo i le lipoti lea o le tupe e maua mai faasolitulafono.
Saunoa le sui ta’ita’i leoleo o Mary Bolton i lea lipoti o gaioiga ia a i latou e aofia i organised crime groups, kulupu e fuafuaina lelei a latou soligatulafono ma o le a faamautinoa e le AFP Australian Federal Police e lē toe faaaogāina lea vaegatupe e faatupe ai se isi gaioiga faasolitulafono.
O lē ua molia nei e aumau i Mildura ma o le asō ua fuafua e tulai ai i le faamasinoga.
Puna o Faamatalaga: https://7news.com.au/news/man-caught-allegedly-trying-to-bring-830000-in-cash-onto-flight-from-gold-coast-to-mildura-c-15355168
