Ua maua e leoleo i Queenstown Lakes, fualaau faasāina, tupe ma auupega o fana, i se vaega o le latou su’esu’ega o loo taula’i ia i latou e sapalaia fualaau faasāina.
O loo ta’ua i se faatalanoaga a le leoleo su’esu’e o Nicola Clark ma le RNZ e faapea o search warrants sa faamatuu atu ina ua maitauina e leoleo le siitia o le faaaogāina o fualaau faasāina i lea faaitu.
O su’esu’ega la a leoleo i le Aso Gafua ma le Aso Lua o le vaiaso nei ua maua ai aitema e pei ona ta’ua ma ua faalēaogāina ai ma le laisene e umia ai se fana o se tasi tagata na maua i lea su’esu’ega.
Fai mai Clark o tupe ma fualaau o le cocaine, MDMA, ketamine ma le LSD na maua foi i isi osofa’iga i nai vaiaso e lei mamao atu.
Puna o Faamatalaga: https://www.rnz.co.nz/news/national/527114/queenstown-police-seize-drugs-guns-and-cash
