O le vaiaso nei ua tuua ai Samoa e le ta’ita’i o le Malo le afioga i le tamaitai Palemia, afioga Fiame Dr Naomi Mataafa i le faamoemoe e auai i le fono a ta’ita’i o Malo o le Pasefika, ma le ta’ita’i o le Malo o Iapani le alii Palemia o Fumio Kishida.

O lea fono e usuia i tausaga uma i le faamoemoe o lea Malo e feiloai i ta’ita’i ma sui o malo o le Pasefika e faatalanoa fesoasoani a Iapani o loo faapena ona faasoa atu i atunuu taitasi, e lē gata o fesoasoani mo le faaleleia o atina’e o le tamaoaiga, ae o fesoasoani i polokalame o suiga tetele o le tau.

O Iapani o se paaga totino a le Malo o Samoa o loo tafe mai ai nisi o foa’i o loo manuia ai nuu ma itumalo i le toe fausia o faleaoga.

E tolu aso o lea fonotaga.