O le alii taalo lelei a Newcastle i le lakapi liki o Kalyn Ponga ua faia nei iai se sā i taaloga a le NRL i le amataga o le taamilosaga o le 2025 ona o lona lē fia auai i le filifiliga o le ‘au a le Kangaroos.
Ua lipotia e le 9News o le faamatalaga sa faailoa e le kalapu a le Knights i le po anapo i se pepa o faamatalaga, ua faailoa ai sa filifili Ponga e lē faaavanoaina ane lona tagata mo le taamilosaga lea a le Pasefika ona o lana faamuamua na ave i lana kalapu.
O le tulaga e iai e pei ona faailoa i le lipoti o le taimi e saini ai se tama taalo i se konekarate a le NRL, o le isi aiaiga o le tuu atoa o lona tagata e taalo ai mo le ‘au a le atunuu pe a filifilia.
Afai e lē fia taalo mo lona atunuu e mafai ona tusi se tusi aga’i i le NRL e talosagaina ai lea tulaga.
Mo le alii o Ponga e pei ona faailoa e le 9Sports, e lei iai sana ulua’i taaloga mo Ausetalia ma e lē o iai foi ni manu’aga ma ua avanoa ai ma le NRL e faasala ona o le musu i le filifiliga.
Puna o Faamatalaga: https://www.nine.com.au/sport/nrl/news-2024-newcastle-knights-star-kalyn-ponga-facing-suspension-over-kangaroos-boycott-20240925-p5kdb6.html
