O se tala fiafia le leai o se tagata maliu na lipotia mai i luga o auala i lenei Eseta.
E oo mai i le taimi e tuufaatasia ai tala o le taeao o faamaumauga o loo iai e tusa ma lipoti a le ofisa o leoleo.
E ui i le poloka tele o femalagaa’iga sa iai mai le Aso Tofi o le vaiaso talu ai i le toatele na agai mo malologa ma tafaoga i taimi o le Eseta, aemaise e lei iloga lava ona lelei auala i Hawkes Bay lea na faaleagaina e le afā – o le tala fiafia e leai se soifua na ma’umau.
O lea faatoa toe maua ai lea o le Eseta o le 2012 lea foi e lei iai nisi na maliliu ai, e ese ai le 2020 i taimi sa lockdown ai le atunuu.
E le o tuua ai le talosaga ma le faamanatu a le ofisa o leoleo ia mataalia ma faautauta a o toe foi mai ai i aiga i le mae’a ai o tafaoga.
