Ua sau le faai’uga a le Winstone Pulp International o le a tapunia ana falelaupapa e lua.
O le falefaigaluega aupito i telē lea i Ruapehu ma o lea na amata ta’u i le masina talu ai le mafaufau e tapuni, seia oo mai ai loa i le aoauli ananafi ua faamaonia mai o lea lava o le a tapunia.
E silia ma le 230 tagata faigaluega ua aafia i le faai’uga ua iai nei, ma i ripoti e lē o faigofie i le to’atele.
O le mataupu foi lenei na finau ai pulenuu o Ruapehu ma Taupo ma sulu ai i le Palemia, Christopher Luxon i le masina talu ai ma le faamoemoe ia mafai ona faasao mai pisinisi nei.
Fai mai le Pule Sili ia Mike Ryan, o lea lava na mafaufau i finagalo faaalia o le aufaigaluega peitai e lē o lava lea e faasao mai ai falelaupapa a o mafatia ai i le taugata tele o le tau o loo totogi mo le eletise.
O le faai’uga ua iai nei, e aloa’ia i le masina a sau.
Puna o Faamatalaga: Hundreds of jobs to go as Winstone Pulp confirms mill closures (1news.co.nz)
