E faanoanoa le tala ua sau nei i tua i tagata Hutt Valley, e lē mafai ona faia se faiga e foia ai le manogi leaga o loo sau mai le nofoaga o loo alu iai otaota.
O le isi 4 tausaga o i luma lea e faapea ua faamautinoa mai o le umi lea o le a toe onosa’i atu ai ona o le manogi o loo sau mai le Seaview.
Ua atili ai le lē fiafia i le toe fai mai o lea ua mae’a faaleleia le meafaigaluega o loo mafua ai le manogi leaga peitai e lē o iai se faamaoniga a mea e alu ese ai.
Molimau a le to’atele i tala a le 1News, ua tusa nei ma le 8 tausaga o faatalosaga ia faia se faiga i le manogi leaga lenei mai le Seaview, ma o lea e faapea ua tele tausaga o pologa mai ai tagata Hutt Valley.
Ua toe ta’utino le Wellington Water, ua tuai tele le gaioiga e toe faaleleia meafaigaluega i le Seaview.
Ae mai le pulenuu o le Hutt City, o loo ave iai le faamuamua a le puleganuu i lenei mataupu ma e tusa ma le $225 miliona lea o loo faaalu e toe faaleleia ai.
Puna o Faamatalaga: Emotions high as Hutt Valley residents told no stench fix for four years
