Na matuai faailoa le lē fiafia o le toatele o avetaavale na uia le vaega tutotonu o Sini i le taeao analeila ina ua tatala le isi tunnel fou ua faaigoa o le Rozelle Interchange.
Faailoa i ata i le televise le tele o taavale na tau lavevea ai.
E lē taumate o le toatele o avetaavale latou te lei iloaina le vaega tonu e agai iai ma se faailo o loo ta’ua ai e iai tolls i le auala fou lea peitai e leai.
Na vaaia i meapueata le taumafai o le toatele e alofia le agai i lalo o le tunnel fou lea e lē taumate ona o le faailo o loo iai i luga faapea e totogi tolls peitai e leai.
O le faamoemoe o lea auala fou ia faaitiitia le taimi e faimalaga ai le tagata i le faaitu lea peitai ua faailoa mai na matuai tuai ai le toatele i galuega i le aso.
