Na lavea le pasi na faatali ai aumalaga a tagata galulue faavaitaimi mai Tonga i le taeao ananafi.
O le va o Rotorua ma Taupo pe tusa o le ‘afa o le 7 i le taeao lea na tupu ai le faalavelave, ma e tuufaatasia tala fou o loo ua maopoopo tagata galulue faavaitaimi i Hawke’s Bay e lagolago.
E fā taavale a le falema’i, lua helikopa ma tagata faigaluega na vave ane iai ananafi e lavea’i ma i faamaoniga mai le sui o le Immigration e tusa ma lipoti a le 1News, e to’a 30 tagata galulue faavaitaimi mai Tonga sa i totonu o le pasi.
O le kamupani a le Mr Apple i Hawke’s Bay lea na faimalaga mai e galulue ai ma o lea na taunuu i le vaveao ananafi i Aukilani le faigamalaga mai Tonga.
I tala lata mai anapo mai le kamupani a le Mr Apple o lea e lē gata o le fesoasoani mo i latou na faaauau atu i Hawke’s Bay ananafi ae faapea i latou e silia ma le to’asefulu lea na auina atu i le falema’i ua faamanu’alia.
Faafetaia e leai se soifua na ma’umau ai i lenei faalavelave ma o loo faasolo pea foi su’esu’ega a leoleo.
Puna o Faamatalaga: Hawke’s Bay fruitgowers support Tongan workers after bus crash
