Na faagasolo i le asō le fonotaga a le Transdev ma le Rail Union i Ueligitone, e faatatau i teee o loo faaauau pea a le aufaigaluega ma aafia ai faigamalaga mo le faitau afe o tagata e faaaogāina auaunaga o feoa’iga lautele.
Talu mai le Aso Lua o le vaiaso nei sa faatino ai solo tetee a le aufaigaluega e ala i le faiga o a latou breaks poo mālōlōga i le taimi o galuega aemaise foi le tetee atu i ni galuega ovataimi e mana’omia ai poo ni suiga o sifi.
Ua toe fautuaina foi la tagata femalaga’i i le asō e ono iai foi ni fetuuna’iga i feoa’iga a trains, e ono faatuai.
E oo mai i le ‘afa o le 9 i le taeao analeila ua 13 faigamalaga a trains ua faalēaogāina ma isi malaga na suia e pasi.
Fai mai o nisi tagata e faitau itula na tuai ai i galuega aemaise foi le faatuai i le po anapo i faigamalaga.
O le feeseesea’iga o loo tula’i mai o le va lea o le Transdev lea latou te faagaioia trains, ma le Rail and Maritime Transport Union.
Puna o Faamatalaga: https://www.rnz.co.nz/news/national/528508/wellington-commuters-warned-of-more-disruption-as-bargaining-talks-begin
