Ua lapatai pulega faaitumalo uma faalesoifua maloloina e faia se faiga vave e malu puipuia ai tekonolosi faaonapo nei o loo faaaogaina
O se lapataiga mai le Privacy Commissioner, John Edwards, ua sau ai ao fono faatopetope sui sinia I totonu o auaunaga a le malo e talanoa poo le a se isi laasaga a fai e tusa ma le faaletonu ua iai nei faamaumauga o gasegase I le falemai I Waikato
O lea ua taua mai ua talafo atu I ofisa faasalalau faamaumauga o gasegase na gaoia e I latou na osofaia le system o loo faaaogaina mo masini komepiuta, ma ua tuuina atu nei I leoleo lenei mataupu
Saunoa ai le komesina, o loo iai lona faamoemoega ia fesootai atu District Health Board I tagata taitoatasi ua liki i le au faasalalau o latou faamaumauga e aunoa ma se faatali
Ao toe galulue nei le falemai I Waikato e toe faaleleia lana system o loo faaaogaina, o le lapatai mai o le komesina ua faamanatu ai I pulega faaitumalo o falemai taitasi o le le usitaia o le teu maluina o faamaumauga o gasegase e ono molia ai i le tulafono
Ua faatoese le pulega a Waikato I gasegase ua aafia, ma ua faailoa foi e tusa ma le 70 gasegase tigaina maua I le kanesa ua auina atu I isi maota gasegase I le North Island, ao nisi e ono auina atu I Ausetalia mo taotoga
E le o faitaulia ai le tele o isi taotoga laiti ma siaki ua toe tuu uma atu I tua
