E leai ni a’oga i le asō, vave tapuni pisinisi ma ua fautuaina tagata o loo nonofo i nofoaga e maualuga le lamatia e oese nei loa.
O tapenaga ma fautuaga ua aumai mo le faitau miliona o tagata Kuiniselani a o faatali ai le afā malosi o Alfred i le afiafi nanei.
O savili malolosi ma lōlōga lea o loo lapata’ia ai Saute i Sasae o le setete ma o le asō foi ua amata tapunia ai nisi o auala ma o anapo lea na faamuta ai femalagaa’iga lautele.
E oo mai anapo ua oo i le 70 nofoaga ua mae’a tapena mo aiga nei ua lē saogalemu le nonofo pea i o latou fale.
Pe a fua i alāmatagi ma lipoti ua tuuina mai o loo fuafua e oo atu i le 20,000 fale o le a aafia i lōlōga ma o lea foi ua iai nisi ua fautuaina le vave tapena ese.
O ananafi lea na tapena ese ai tagata matutua mai nisi o nofoaga o loo faamautū ai ona o le maualuga o le lamatia.
O le afea ai e Alfred o Kuiniselani, faato’ā toe sau lea o se afā i le setete talu mai le 1974.
Puna o Faamatalaga: ‘Leave now’: High-risk locals warned to go as Cyclone Alfred looms
